Вакцинацийым писынрак ыштыман, поснак 60 деч кугурак ийготан- влаклан, - каласен Республикым вуйлатыше

Вакцинацийым писынрак ыштыман, поснак 60 деч кугурак ийготан- влаклан, - каласен Республикым вуйлатыше
              Вакцинацийым писынрак ыштыман, поснак 60 деч кугурак ийготан- влаклан, - каласен Республикым вуйлатыше коронавирус инфекций шарлымылан чаракым ыштыме йодыш дене эртарыме совещанийыште. Совещанийыште Александр Евстифеев прививкым утларак ышташ да тидлан калыкым кумылаҥдыме мера- влакым ямдылаш кӱштен. Тазалыкаралтыш министр Марина Панькова увертарен: пытартыш арняште черланыме шотышто статистика пеш куандарыше огыл, черланыше- влак ешаралт шогат. Адакшым йоча- влак коклаштат черланымаш шукемын. Йоча пӧлкаште койко фондым пайрем деч ончыч 35 марте шагалемдыме ыле, кызыт тудо тичмаш кучылталтеш, эмлаш пыштыме 90 процент йочан коронавирус черым рашемдыме. Тичмаш налмаштат кум кечыште черланыше- влак ешаралтыныт. Кызытеш койко фондым ешарыме огыл. ИВЛ дене кокла шот дене 12-15 еҥ пайдалана. Эм ден аралалтме средствым ситарыме. Черланымаш чот ок шарле гын, шапаш кок тылзылан сита,- каласен министр. Тидымат палемдыме: план почеш 60 деч кугурак ийготан- влак кокла гыч 156 тӱжемат 700 утла еҥлан вакцинацийым ыштыман. Тачысе кечылан 104 тӱжемат 800 утла еҥлан прививкым ыштыме. Пайрем деч вара икымше паша арнян черланымаш 9 процентлан кушкын, пневмоний дене 62 процентлан. Александр Евстифеев вакцинаций темпым кугемдаш кӱлеш, поснак 60 деч кугурак ийготан- влаклан, манын каласен. Вашлиймашыште «омикрон» штамм дене кузе кучедалме нергенат ойлымо. Тудо писын шарла да республикышкат толын шуэш. Министрын мутшо почеш тудын ваштареш кучедалаш ончылгочак тӱҥалме.

Прошлые выпуски