Регбист- влак сеҥыше радамыште улыт
![Регбист- влак сеҥыше радамыште улыт](/upload/iblock/581/rxcsno6rqhesgy38uq20xeaq6v4j1ag2.jpg)
Юл кундем округын лумышто регби дене модмо Чемпионатыштыже «Йошкар-Ола» регби клуб кокымшо верым сеҥен налын. Таҥасымаш эртыше каныш кечылаште Озаҥ олаште эртен. Мероприятийыште мемнан республике гыч «Йошкар-Ола» ден «Красный город» команде- влак модыныт, но финалыш «Йошкар-Ола» лектын. Тудым Самара областьын командыже сеҥен кертын. Туге гынат, кокымшо верат уда огыл. Кумшо верым Пермь гыч «Витязь» команде налын. А мемнан «Красный город» кудымшо верыш логалын.