Руш тоштерын выставкыже пашажым мучашла

              Йошкар-Олаште Руш тоштерын выставкыже петыралтмеш шотлыман кече гына кодын. Тушто «18-ше -20-шо курымласе руш сымыктышыште ӱдырамаш- влак» ончер пашам ышта. Калыкле сӱрет галерейыште экспозиций 24-ше январьыште петыралтеш. Пытартыш экскурсий- влак шушаш шуматкечын 16 шагатлан да рушарнян 11 да 15 шагатлан эртаралтыт. Ончерыште Санкт-Петербургысо Кугыжаныш Руш тоштерын фондшо гыч 66 чын произведений ончыкталтеш. Нунын коклаште лӱмлӧ сӱретче- влак Владимир Боровицкийын, Алексей Венециановын, Контстантин Маковскийын, Алексей Антроповын, Борис Кустодиевын да молынат пашашт дене палыме лияш лиеш.
                Фото:МариМедиа.