Кодшо ийын республикысе вич районышто 650 суртыш газым пурташ йӧным ыштыме

            Кодшо ийын республикысе вич районышто 650 суртыш газым пурташ йӧным ыштыме. «Газпром газораспределение Йошкар-Ола» Курык марий, Куженер, Волжский, Звенигово да Шернур районлаште посёлкыла кокласе 33 меҥге кужыт газпучым чоҥен да эксплуатацийыш пуэн. Курык марий ден Куженер районлаште у объект- влакым «Газпромын» регионлаш газым пуртымо шотышто программыже почеш чоҥымо газпуч деке ушымо. Кок ий жапыште Курык марий районышто 12 ялыш, Куженер кундемыште 13 ялыш газым пуртымо. Волжский районышто Шарача села марте кугу куатан пучым пыштыме, Звенигово районышто Янашплак ял марте посёлкыла коклачсе пучым чоҥымо. Тыгак Шернур районысо Эҥермучаш ден Пекпулат почингаште илыше- влакат газ дене пайдаланаш тӱналыныт. Кодшо ийын Советский районысо Кугунур, Шӱледӱр ялла да Голубой ден Солнечный посёлкыла деке пучым шупшаш тӱҥалме. Тичмаш 28 меҥге кужыт гыч пелыжым ыштыме, ялла деке пурышо пучымат пыштыме. Пашам пӱтынек тений мучашлышаш улыт. «Газпром газораспределение Йошкар-Ола»  организацийын исполнительный директоржо Александр Ерёминын мутшо почеш кодшо идалык неле лийын. Молан манаш гын, ышташ палемдыме объект- влак деке эше догазификаций программе почеш кугу чоҥымо паша ешаралтын. Туге гынат, чыла объектым жапыштыже ыштен шуктымо.