Йошкар-Олаште 2023-шо ийыште тӱзландарышаш кумдык- влакым ойырен налмаш тӱҥалын

             Йошкар-Олаште 2023-шо ийыште тӱзландарышаш кумдык- влакым ойырен налмаш тӱҥалын. Ола администрацийыште ойырен налме шотышто тӱшка каҥашымашым эртарыме жапым палемдыме шотышто мер комиссийын  заседанийже эртен. 19-ше январь гыч 18-ше февраль марте оласе калык тӱзланадараш шонымо кумдык- влак шотышто шке темлымашыжым пуэн кертеш. Тиде- тротуар, бульвар, парк ден сквер, эҥер сер, площадь да моло тӱшка кумдык лийын кертеш. Нине темлымашлан эҥертен, мер комиссий спискым ямдыла. Вара тудым тӱшка йӱклымашке луктыт. Темлымашым ола администрацийыште 9 гыч 16 шагат марте Ленин проспект 27-ше пӧрт адрес дене налыт. Телефонжо 64-14-57.