«Театральный Приволжье» фестивальын окружной йыжыҥже тӱҥалын

               Йоча да самырык коллектив- влакын «Театральный Приволжье» фестивальын окружной йыжыҥже тӱҥалын. Тудо Россий Президентын Юл кундем округысо полномочный представительже Игорь Комаровын тӱналтышыже почеш эртаралтеш. Проектын финалыштыже округысо чыла субъект гыч 28 спектакль таҥаса. Эксперт- влак постановкын видеоверсийже почеш рейтингым ыштат да лауреатым рашемдаш жюрин иктешлыше йӱклымашыже лиеш. Фестивальыште йомак- влакым, классике сылнымут почеш шындыме спектакль- влакым ончаш лиеш. Удмурт республике фестивальын тӱҥ мероприятийже- влакым эртарыме площадке лийын. 27-ше мартыште Ижевск олаште Театрын тӱнямбал кечынже фестивальым торжественно петырымаште лауреат- влакын лӱмыштым каласат. Палашлан: 2020-шо- 2021-ше ийлаште фестивальыште округысо чыла кундем гыч 416 театр коллектив участвоватлен: 157 самырык- влакын, 256 школ театр лийыныт. Актёр-влакын чотышт вич тӱжем наре еҥыш погынен.