Журналист- влакым Республикым вуйлатыше саламлен
Марий Элым вуйлатыше Александр Евстифеев тӱшка увер средствылан, полиграфий предприятийлан пашаеҥыштым, журналистикын ветеранже- влакым Россий печать кече дене саламлен. Ятыр ий мучко тендан профессийда ик эн кӱлешан лийын кодеш. Тудо шуко шинчымашым, илышыште чолгалыкым, шонен моштымым, илышым умылымашым да чаплын возен моштымашым йодеш. Тендан пашада шке жапыштыже событий нерген каласкалымашым, факт- влакым чын ончыктымо ответственностьым йодеш. Тӱшка компьютеризаций кая гынат, ме шкенан илышыштына газет ден журналым лудына. Тудо ончычсо семынак социал-экономик вашталтыш, мер-политик илыш нерген уверым конда. 2021-ше ий пандемий дене кучедалме йодыш пӱсын шоген. Тиде аланыштат те тичмаш да раш уверым пуаш тыршеда. Кеҥежым чодыраште кугу тул гӱжлыш. Тудым сеҥымашке теат кугу надырым пыштенда. Профессионализмланда да ойырен налме пашалан ӱшанле улмыланда тауштем. Пайрем кечын чылалан усталык шӱлышым да у сеҥымаш- влакым тыланем, - ойлалтеш республикым вуйлатышын саламлымашыштыже.