Кеҥеж канышлан ямдылалташ жап шуын

             Йошкар-Олаште Сочи марте да мӧҥгешла авиабилетым ужалаш тӱҥалме. «РусЛайн» авиакомпанийын 50 веран самолётшо-влак калыкым икымше июнь гыч 28-ше сентябрь марте шупшыкташ тӱҥалыт. Йошкар-Ола аэропорт гыч самолёт- влак вӱргечын да рушарнян 12 шагат кечывалым каяш тӱҥалыт. Ик могырыш чоҥешташ билетын акше 8 тӱжемат 538 теҥге марте лиеш. Расписаний вашталтын, а ак шулдештын кертеш,- увертара «Марий Элын Авиацийже» лаштык.