Пӧрт леведыш гыч кечалтше ийсӱслан 100 тӱжем теҥге марте шрафым тӱлыктен кертыт

                  Пӧрт леведыш гыч кечалтше ийсӱслан 100 тӱжем теҥге марте шрафым тӱлыктен кертыт. Пӧрт оза- влак леведыш гыч лумым да ийым шке жапыштыже эрыктен шогышаш улыт. Кылмыше ий  калыкын тазалыкшылан да погылан поснак кугу лӱдыкшым луктыт. Тидын нерген йодмашым ола кундемым тӱзландарыме нерген Правилыште возымо. Лӱдыкшыдымылык мерым кузе шуктымым ола администрацийын ола озанлык пашаеҥже- влак эскерен шогат. Жапыштыже эрыктыдымылан штрафым тӱлыктен кертыт. Должностной еҥ- влак 10 гыч 30 тӱжем теҥге марте, юридический лица-шамыч 60 гыч 100 тӱжем теҥге марте оксам луктын пыштышаш улыт. Кызытсе теле жапыште гына обслуживатлыше организаций да пого оза- влаклан леведышым эрыкташ 60 утла кӱштымашым колтымо. Шым фактше почеш административный пашам тарватыме, кок должностной еҥлан штрафым тӱлыктымӧ.