Самырык кучедалше- влак кум шӧртньӧ медальым конденыт

               Волжск оласе самырык кучедалше- влак Бугульма гыч кум шӧртньӧ медальым конденыт. Татарстанысе тиде олаште герой –десантник- влакым шарныме лӱмеш рвезе- влак коклаште греко-рим кучедалмаш дене республике кӱкшытан виш турнир эртен. Тушко элнан тӱрлӧ кундемже гыч 300 наре атлет погынен. Марий Эл гыч тренер- влак Александр Серяков, Александр Феоктистов да Марс Сабитовын тунемшышт, Волжск олан самырык спортсменже- влак миеныт. Нуно уда огыл лектышым ончыктеныт. Иван Дерзов, Матвей Колесниченко, Егор Данилов 32, 35, 38 килограмм нелытан- влак коклаште икымше верым сеҥен налыныт. Артём Грецов ден Константин Иринов той медаль дене палемдылтыныт. Егор Иванов визымше верыш лектын.
                 "Волжская правда" газетын фотожо.