Ленин лӱмеш тӱвыра полат- эн мотор

              Рӱдӧ оласе Ленин лӱмеш тӱвыра полат зданийын тӱжвал могыржым эн сӧралын сӧрастарымылан конкурсышто сеҥышыш лектын. Муниципал тӱвыра тӧнеж- влак коклаште оласе смотр-конкурсын лектышыже почеш Ленин лӱмеш тӱвыра полат икымше степенян диплом дене палемдалтын. Тиде диплом дене пырля эше 20 тӱжем теҥгелан сертификатым пуымо. Кокымшо степенян лауреат лӱмым Россий Армийын тӱвыра полатше ден Рӱдӧ каныме да тӱвыра парклан пуымо. А кумшо верым Йошкар-Олан историй тоштерже ден нылымше номеран йоча сымыктыш школ пайленыт.