Куженер районысо эше ныл ялыш пӱртӱс газ толын

                  Куженер районысо эше ныл ялыш пӱртӱс газ толын. «Газпром газораспределение «Йошкар-Ола» Аҥанур, Визым, Йӱледӱр, Руш Шой яллашке шупшмо посёлкыла кокласе газпучым пашаш колтен. Чылаже 340 пӧрт да 4 котельный догазификаций программе почеш газым налыт. 230 утла суртышто пӧрт кӧргысо сетьым да газ оборудованийым монтироватлыме, газпучым сурт марте пуртымо. 16 меҥге кужыт утла пучым газым колтымылан ешартыш оксам ойырымо кӱшеш чоҥымо. Нине яллаште илыше- влак догазификацийлан йодмашым шке жапыштыже пуэныт. Кугу пучым шупшмо дене пырля вигак пӧрт деке пурышо пуч- влакым пыштыме. Тыге объектым шуктымо дене вигак пӧрт- влакым ушаш йӧным ыштен,- умылтарен «Газпром газорапределение Йошкар-Ола» организацийын исполнительный директоржын алмаштышыже Игорь Ганичев.