Школышто тунемше- влакын Россий кӱкшытан олимпиадыштын регионысо йыжыҥже тӱҥалеш
Шушаш 2022-шо ийын икымше паша кечылаштыжак школышто тунемше- влакын Россий кӱкшытан олимпиадыштын регионысо йыжыҥже тӱҥалеш. Тудо 22 предмет дене 11-ше январь гыч 25-ше февраль марте эрта. Регионысо йыжыҥыште 9-ше гыч 11-ше классла марте 600 еҥ шинчымашыжым тергаш тӱҥалеш. Тидын дене пырля 8-ше классыште тунемше- влаклан математике дене Леонард Эйлер лӱмеш олимпиада лиеш, а 7-ше-8-ше класслаште тунемше- влаклан физике дене Максвелл лӱмеш олимпиада эрта. Олимпиада кум вузышто эртаралтеш: Юлтехыште, Марий университетыште, МОСИ-ште, тыгак 28-ше номеран лицейыште. Олимпиадым поро йӱла семын француз йылме дене тергымаш тӱналеш.