Поликлинике- влак пашам ыштат, но лучо черланаш огыл

            У ий пайрем жапыште йоча поликлинике- влак кузе пашам ышташ тӱҥалыт? Тазалыкаралтыш министерстве графикыштым савыктен. Йошкар-Оласе Лелия Соколова лӱмеш йоча эмлыме вер, икымше, кокымшо, кумшо, нылымше, визымше йоча поликлинике- влак 31-ше декабрьыште 8 гыч 13 шагат марте, кокымшо гыч 8-ше январь марте 8 гыч 15 шагат марте пашам ыштат. Йоча стоматологий поликлинике 31 ше декабрь ден 1-ше январьыште 10 гыч 16 шагатат 30 минут марте, 2-шо гыч 9-ше январь марте 10 гыч 15 шагатат 30 минут марте пашам ыштат.