Кундемлам комплексно вияҥдыме у проект-влакын спискышкышт Марий Элат пурен

Кундемлам комплексно вияҥдыме у проект-влакын  спискышкышт Марий Элат пурен
               Марий Эл кундемлам комплексно вияҥдыме у проект-влакын участник- регион- влакын спискышкышт пурен. Россий правительство председательын алмаштышыже Марат Хуснуллинын вуйлатымыже почеш правительстве комиссий элысе 8 регионышто кундемлам комплексно вияҥдыме 9 у проектым пеҥгыдемден. Нунын  чоҥышаш тӱшка кумдыкышт кок миллионат 400 тӱжем квадрат метрыш погына. Нине мланде участке- влак Алтай крайыште, Дагестан ден Марий Эл республикылаште, Волгоград, Иркутск, Угарман, Оренбург да Ростов областьлаште верланеныт. Ондак пайдаланыдыме статусым нумалше участкылаште шуко да шагал пачашан пӧрт- влакым чоҥаш, социал инфраструктурым ышташ палемдалтеш.
             Йошкар-Ола администрацийын фотожо.

Прошлые выпуски