Шочмо йылмым туныктышо- влакын Россий кӱкшытан мастер-классыштышт сеҥымаш

             Марий Эл гыч туныктышо шочмо йылмым туныктышо- влакын Россий кӱкшытан мастер-классыштышт сеҥышыш лектын. Москошто шочмо йылмым да руш йылмымат туныктышо- влакын Россий кӱкшытан 15-ше мастер-классышт мучашлалтын. Марий Эл гыч тушко Моркысо кокымшо номеран школ гыч марий йылмым туныктышо, республикысе конкурсышто сеҥышыш лекше Надежда Голубкина миен. Республикысе туныктыш министерствын ончыктымыж почеш Надежда Александровнам жюри «Туныктышо-новатор» номинацийыште палемден.
                 Фото:МариМедиа