Марий Элыште тенийсе эн сай футболист- Геннадий Киселёв

            Тенийсе 2021-ше ийын Марий Элыште эн сай футболистлан 22 ияш Геннадий Киселёвым шотлымо. Йошкар-Олаште «Гордей» марий профессионал футбол премийым кучыктымаш 19-ше гана эртаралтын. «Команда» номинацийыште 1991-ше ийыште «Аяр» командыште модшо да ветеран- влакын Всесоюзный кубкышкышт лекше модшо- влакым палемдыме. «Марий футболын легендыже» лӱмым футболист да тренер Валерий Богданов налын. «Гордейчик» номинацийыште ший статуэткым «Зелёный ключ» футбол клуб гыч Роман Умеровлан пуымо.  А тӱҥ номинаций- «Талукын модшыжо» лӱмым Геннадий Киселёвлан пуымо. Тудо Йошкар-Олаште шочын, 7 ияш гычак футбол дене модеш. Пытартыш жапыште тудо «Металлургышто» модын.
             Фото: "ВНД" газет гыч.