Александр Евстифеев «Кумылым шуктышо кож» Россий кӱкшытан акцийыш ушнен
Александр Евстифеев «Кумылым шуктышо кож» Россий кӱкшытан акцийыш ушнен. Тений тудо начар тазалыкан кум йочан шонымашыжым шукта. Нунын шонымашыштым возыман шарым Александр Евстифеев кож гыч мучыштарен налын. Советский посёлко гыч 12 ияш Кирилл Пушкин ноутбукан лийнеже, Шернур районысо Полдыран ял гыч 13 ияш Эвелина Милютина планшетым вуча, Йошкар-Ола гыч 13 ияш Дмитрий Стрельников лудаш йӧрата да электрон книгам налаш шонымашыжым возен. Мый пӱтынек ӱшанем: У ий вашеш йоча- влакын шочшо шонымашышт тӱрыс шукталтеш. Мемнан Йӱштӧ Кугызана пеш тӱткӧ. Тудо йоҥылыш ок лий. Йоча- влак мом налаш шоненыт, лишыл кечылаште кидышкышт кучат,- сӧрен Александр Евстифеев.