Марий Элым вуйлатыше «Время чудес» онлайн-марафоныш ушнен

              Марий Элым вуйлатыше «Время чудес» онлайн-марафоныш ушнен да йоча пӧртла гыч йоча- влакым, социал тӧнежла гыч илалше- влакым саламлен. Российыште икымше гана чыла социал тӧнеж- влаклан единый онлайн-марафон эртен. Тушко 310 социал тӧнеж ушнен. Тудлан ямдылалтме кышкарыште «Россий- ик еш» флешмобым тӱҥалме. Тудо 13-шо гыч 23-шо декабрь марте эртен. Кажне кумылан еҥ видеосаламлымашым возен, марафоныш ушнышо- влаклан колтен кертын. Чылаже 425 видеоролик пурен. Поро шомакым каласаш кумылан- влакын шуко улмыштлан кӧра, флешмобым 31-ше декабрь марте шуяш лийме. Марий Эл Российысе порылык ден шокшын Шӱмышкыжӧ савырнен. Марий Элым вуйлатыше да Марий университетын вуйлатышыже- влакын полшымышт дене «Точка кипений» площадкыште Росссий кӱкшытан увер рӱдерым почмо. Тушечын Российын пӱтынь кумдыкшо мучко шагат поясым шотыш налын онлайн- трансляцийым вӱдымӧ. Александр Евстифеев марафоныш ушнен да чылам У Ий дене саламлен. Моло кундемлам вуйлатыше- влаклат саламымашышке ушненыт. Регионласе тӱвыра тӧнеж- влак марафонлан видеоматериал- влакым колтеныт. Тыге йоча спектакль- влакым ончыктымо. Российын Йӱштӧ Кугызаже Великий Устюг гыч саламлымашке ушнен. Тыгай мероприятийын кӱлешлыкшым шотыш налын проектым кумдаҥдаш да идалык мучко эртараш шонат.