Шернур районышто Йӱштӧ Кугызан илемышкыже корным шушаш ийын олмыкташ сӧрат

Шернур районышто Йӱштӧ Кугызан илемышкыже корным шушаш ийын олмыкташ сӧрат
               Шернур районышто Йӱштӧ Кугызан илемышкыже корным шушаш ийын олмыкташ сӧрат. Ял деке корно кужу. Тымарте тудын шотышто калыкын шуко йодышыжо лектын. Но «Качестван лӱдыкшыдымӧ корно» калыкле проект почеш тудо кажне ийын саем толеш. Шернур- Казанский- Кукнур корнын 10 меҥге кужыт ужашыжым 2019-ше ийыштак калыкле проектыш пурталтымо. Подряд организаций асфальт шартышын ӱлыл да ӱмбал ужашыжым ыштен, Тушто кок кӱвар уло, туштат кидкучемым да парапетым ыштыме, вӱд йогымо решоткам вераҥдыме. Проектлан кӧра Йӱштӧ Кугызан илемышкыже намийыше корным шушаш ийын олмыкташ тӱҥалыт. Ачалышаш корнын ужашыже 12 меҥгат 800 метрыш погына. Вара республикысе калык да уна- влак тушко чапле корно дене кошташ тӱҥалыт. Республикыште турист объект- влак шагалын огытыл, сандене тушко корно сай лийже манын тыршена,- каласен «Марйскавтодорын» директоржо Константин Шихов.
                  Фото: "ВНД" газет.

Прошлые выпуски