Российын правительствыже регион- влаклан школлам капитально олмыкташ оксам ойырен

                 Российын правительствыже регион- влаклан школлам капитально олмыкташ оксам ойырен. 2022-шо- 2026-шо ийлаште элна мучко шым тӱжемат 300 зданийым олмыктымо лиеш. Мутлан Башкортостаныште 103 школым, Карелий ден Мордовийыште 21 школ гыч ачалаш палемдыме. Правительство элысе 80 субъектлан субсидийым шеледаш распоряженийым ямдылен. Тиде пашалан чылаже 92 миллиард наре теҥге колталтеш. Марий Элыште шушаш ийын Медведево, Шернур, Параньга да Юрино районлаште ялысе 8 школым олмыкташ тӱҥалыт. Марий Эл шушаш ийын 378 миллион теҥгем, 2023-шо ийыште 96 миллион утла теҥгем налеш. Ушештарена: ончыкылык вич ий жапыште школлам капитально олмыкташ программым ямдылаш Президент Владимир Путин «Единый Россий» партийын погыныштыжо 19-ше июньышто кӱштен ыле. Тунам партий Просвещений министерствылан олмыктышаш шым тӱжемат 200 школым пуртыман реестрым пуэн.
                Фото: "Единый Российын" сайтше гыч.