Республикыштына эн ончыч Волжск олаште «Работа в России» кадр рӱдерым почмо

                 Волжск ола «Работа в России» кадр рӱдерым почмо республикысе икымше илем лийын. Пилотный кадр рӱдерым теҥгече торжественно почмо. «Демографий» калыкле да «Паша верым муаш полшымаш» федерал проект- влак кышкарыште Волжск оласе да районысо пашавер рӱдер тӱжвал могырымат вашталтын, функцийжат шукырак лийын. Тидым калык дене онлайн кылым кучымашке куснаш да документым кагаз дене виктарыме паша деч кораҥаш манын ыштыме. Ынде пашам кычалме сомыл йӧнан, куштылго да писе лийын. Волжскым таклан огыл ойырен налме. Республикыште кугыт шот дене кокымшо олаште предприятийжат, пашам ыштыше еҥжат шуко. Нунылан паша верым муаш, уэш тунемаш, чонлан келшыше профессийым муаш моткоч кӱлешан,- каласен правительстве председательын алмаштышыже Ольга Фёдорова.