Марий спортын легендыже илыш дене чеверласен

                 Марий спортын легендыже Нина Рочева (Селюнинан) ӱмыржӧ лугыч лийын. 8-ше январьыште 74 ийыш тошкалмеке, Нина Петровна Рочева (ӱдыр фамилийже Селюнина) илыш дене чеверласен. Тудо- совет ечызе, 1980-шо ийысе Олимпий модмашын призёржо, тӱнян чемпионкыжо, Совет Ушемын кум гана чемпионкыжо, СССР-ын  сулло спорт мастерже лийын. Нина Селюнина 1948-ше ийыште  Киров кундемысе Уржум районын Покшай ялыштыже шочын. Марий АССР-ын спортсменкыже улмыжо годымак  кугу сеҥымашлашке шуын. Тудо Марий пединституым тунем пытарен, Марий АССР тӱвыран сулло пашаеҥже, Россий физический культурын сулло пашаеҥже. Коми республикыште илен.
                Фото: Марийская правда.