Квадроциклист Александр Максимов тӱшка зачётышто кумшо верыште улеш

           Марий Эл гыч квадроциклист Александр Максимов «Дакар» ралли-марафонын кудымшо йыжыҥжыштыже 7-ше январьыште сеҥыше лийын. Ушештарена: Саудовский Аравийыште кокымшо январь гыч 14-ше числа марте «Дакар-2022» тӱнясе кугу таҥасымаш эрта. Мемнан землякна тушто квадроцикл категорийыште таҥаса. Кокымшо верым француз Александр Жиру куча. Тӱшка зачётышто Максимов кумшо верыште улеш. Тачысе кечылан Александр тыгак кумшо верыште улеш. Кудымшо йыжыҥ деч вара икымше двойко деч пел шагатлан почеш кодеш, но спецучасткылаште сеҥышыш лектын.  Эше кум-ныл кече таҥасымаш вуча. Александр пеленже мэрын кучыктымо Йошкар-Олан тистыжым коштыкта. Тудлан «Чыр марий» командыже дене пырля Сеҥымашым гына тыланаш кодеш. Молан манаш гын, тудым поктышо участник ик шагатлан почеш кодеш да Максимов призовой верым арален коден кертеш.