Йошкар-Олам 17 тӱрлӧ пеледыш сӧрастараш тӱҥалеш
Йошкар-Олаште кеҥежлык пеледыш клумбылан нӧшмым ӱдаш тӱҥалме. Окна вес могырышто лум-поран гӱжла гынат, «Город» МУП-ын пакчазыже- влакын шокшо тургымышт тӱҥалын. Молан манаш гын, шошо гыч шыже марте оласе кудывече- влакым гына огыл, чыла гаяк тӱшка кумдыкымат пеледыш дене сӧрастарат. Нунылан пеледыш озымым кушташ кок тӱжем квадрат метр кумдык йыраҥ кучылталтеш. Кодшо кеҥежым ик теплицыжым пужен ыштыме. Тушто кызыт удаш тӱҥалыныт. Тений 17 тӱрлӧ пеледыш лиеш: кокытшо- у. Тиде- немезия ден биденс. Парк ваштареш Чавайн бульварыште пеледыш клумба калык тӱрым ушештараш тӱҥалеш гын, Сеҥымаш бульварысе десантник-влак аллей тураште ош-канде пеледыш- влак вераҥдалтыт. Ончыкыжым олам сӧрастараш оранжерейыште шуко ий кушшо пеледышымат шукемдаш шонат. Тиде – роза, хоста, астильба, гейхера да мотор кушкыл- влакым.