Марий Элым вуйлатыше тенийлан контрактым ыштыме йодышым посна контрольыш налаш кӱштен

              Марий Элым вуйлатыше тенийлан контрактым ыштыме йодышым посна контрольыш налаш кӱштен. 2021-ше ийын лектышыжым ончылгоч иктешлыме  почеш, калыкле проект- влаклан да моло мероприятийлан федерал бюдежт гыч ойырымо оксан кугытшо 29 миллиардат 740 миллион теҥге лийын. Тидын нерген Республикым вуйлатыше Александр Евстифеевлан промышленность, экономически вияҥмаш да торговля министр Станислав Крылов увертарен. Тыге, калыкле проект-влаклан федерал бюджет гыч куд миллиардат 800 утла миллион теҥгем ойырымо але лимитын 99 утла процентшым. Регионласе проектла кышкарыште кодшо ийлан капитально чоҥаш палемдыме чыла 22 объектыштыжат пашам мучашлыме. Индивидуал программым шыҥдараш ик миллардым але 100 процент лимитым ойырымо. Крылов палемден: 2022- 2024-ше ийлаште мероприятий- влакым илышыш шыҥдарыме шотыштат паша чолган шукталтеш. Нине ийлан трансфертым налаш ешартыш соглашенийым пеҥгыдемдаш пашам тичмаш шуктымо. 2022-шо 2023-шо ий- влаклан контарктым пеҥгыдемдыме шотышто паша умбакыже шуйна. Калыкле проект дене тенийлан ойырымо оксан 62 утла процентше дене контарктым ыштыме, 2023-шо ийлан- 56 утла процентым. Индивидуал программе дене тенийлан лимитын 64 процентшылан, 23-шо ийын лимитшылан 69 процентшылан контарктым пеҥгыдемдыме.- Каласен Станислав Крылов. Александр Евстифеев тенийсе лимитлан контарктым ыштен пытарыме пашам посна контрольыш налаш кӱштен.