Эртыше ийын 182 еҥ спиртан йӱыш дене аярген
Кодшо ийын спиртан йӱыш дене аяргыше- влак нерген. Республикыштына эртыше ийын 182 тыгай случайым регистрироватлыме. Тушечын 136 еҥже ӱмыр лугыч лийын, 2020-шо ийыште 142 еҥ улмаш. 83 процент случайыштыже этанолан йӱыш, 19-же метанолан, 9-же палыдыме спирт, икте- стеклоочиститель, иктыже- изоприлан спирт дене аярген. Ончычсо ныл ий дене таҥастарымаште кодшо ийын спиртан йӱыш дене аяргымаш иктат 6 луаш процентлан, ӱмыр лугыч лиймаш нылытат 4 луаш процентлан шагалемын. Аяргыше- влак эн шукын Йошкар-Олаште, Медведево, Куженер, Шернур, Марий Турек районлаште палемдалтыныт. Эн шагал Курык марий ден У Торъял районлаште регистрироватлалтын. А Юрино районышто ик аяргышымат палемдыме огыл.
