«Йошкар зонышто» пашам ыштыше медицина пашаеҥ-влаклан канаш йӧным пуат

              «Йошкар зонышто» пашам ыштыше медицина пашаеҥ-влаклан канаш йӧным пуат. Тыгай кӱштымашым республикым вуйлатыше коронавирус инфекций дене кылдалтше йодышым ончымо совещанийыште пуэн. Кызыт ковид дене черланымаш шагалемме годым, жапым шуйкалыде канаш, а кӱлеш лиеш гын врач ден медицина персоналым эмлаш йӧным ыштыман. Йӧн улмо годым нуно каналтен, вийым погышаш улыт, - манын, республикым вуйлатыше. Тазалыкаралтыш министр Марина Панькова эпидемиологий ситуацийым тӧр манын палемден, но Российыште январь мучаш ден февраль тӱналтышыште «омикрон» штамм шарлен кертеш манын палемдат. Тудо писын шарлышылан шотлалтеш. Черланымаш ныл пачаш кугем кертеш. Тудо поснак илалше да ийготыш шудымо- влаклан лӱдыкшӧ. Александр Евстифеев эмын шапашыжым ситараш кӱштен, окса республикын бюджетше гыч ойыралтеш манын. Тазалыкаралтыш министрын мутшо почеш тачысе кечылан 8 медицина тӧнежыште 555 койко уло. Тушто 357 еҥ эмлалтеш. Лу кече жапыште эмлыме верлашке кокла шот дене ик кечыште  20 гыч 47 еҥ марте эмлаш пыштыме. Александр Евстифеев тыге иктешлен: республике уда огыл лектышым ончыкта. Тестироватлыме шотышто график дене Марий Эл элна мучко 9-ше верым айла. Тиде пашам умбакыжат чолган шуйыман.