Республикыштына 102 тӱжем утла пенсионер коронавирус ваштареш привикым ыштыктен

                 Республикыштына 102 тӱжем утла пенсионер коронавирус ваштареш привикым ыштыктен. Пандемий тӱҥалме годсек кундемыштына 29 тӱжемат 747 еҥын коронавирус чержым пеҥгыдемден ончыктымо. Тушечын 9 тӱжемат 777 еҥже але 33 наре процентше 65 ий деч кугурак улыт, а 8 тӱжемат 900 утла еҥже, але 30 процентше 50-64 ияш улыт. Социал статус могырым ончалаш гын, черланыше 12 тӱжемат 100 утла еҥже але 41 наре процентше пенсионер улыт. Эпидемий тӱналтыш гыч ковидлан 823 тӱжем наре лабораторный тергымашым эртарыме. Коронавирус инфекций ваштареш республикыштына 359 тӱжем утла еҥ але планын 85 процентше привикым ыштыктен. Нунын кокла гыч 102 тӱжем утла еҥже, тидыже 28 процент лиеш, 60 да кугурак ийготан улыт. Нунын кокла гыч 99 тӱжем наре еҥже иммунизацийын тичмаш курсшым эртен,- увертара Роспотребнадзор виктем.