Шочшо аза- влак ӱшанле кидыште улыт

             Республикысе Перинатал рӱдерын реанимаций пӧлкажын кугурак медицина шӱжарже Светлана Чернышова «Пиал кидкопаште» конкурсын лауреатше лийын. Шуде шочшо аза- влакым ончымо шотышто премийым Башкирийысе тазалыкаралтыш министерствын полшымыжо дене «Ойретмалтше йоча- влак» поро кумыл фонд 2020-шо ийыште ыштен ыле. Икымше ийын лач Башкортостанысе 50 специалистым палемдыме. Кодшо ийын участник- влак Юл кундем округ кӱкшыт марте ешаралтыныт.  Башкирийысе опера да балет театрыш наградым кучыктымашке шым регион гыч 47 участник погынен. Эксперт совет сеҥыше- влакым шым номинацийыште ойырен налын. Йошкар-Оласе перинатал рӱдерын ик эн неле пӧлкаштыже 16 ий кугурак медшӱжарлан пашам ыштыше Светлана Чернышова «Суксо- шӧртньӧ кид» номинацийыште кокымшо вер дене палемдалтын.