Крешене пайрем лишемеш

            Православий юмын йӱлам кучышо- влак 19-ше чатлама кечын христиан пайрем гыч иктыжым Крешеньым палемдат. Йошкар-Олаште Изи Какшан эҥер гоч пыштыме вантовый кӱвар кундемыште шола серыште калык каныме верыште чывылталт лекме верым ыштат. Купельыште 18-ше январь 19 шагат гыч 19-ше январь 20 шагат марте йӱштыл лекташ лиеш. Крешене йӱштылмаште медицина пашаеҥ да утарыше- влак дежуритлаш тӱҥалыт. Утарыше- влак шижтарат: лӱмын келыштарыдыме верлаште йӱштылаш ок лий, тӱткӧ лийман. Эскерыме деч посна йоча- влакым вӱдыш пурташ, йӱшӧ вуя йӱштылаш ок лий. Хронический черан- влакат йӱштылаш тореш лийшаш улыт.