Таче- прокуратура пашаеҥ- влакын кечышт
Марий Элым вуйлатыше Александр Евстифеев республикысе прокуратура органлаште тыршыше пашаеҥ да ветеран- влакым профессионал пайремышт дене саламлен. Эн ончычак тудо ушештарен: тений российысе прокуратурым ыштымлан 300 ий темеш. Тиде жапыште ведомство вияҥме неле корным эртен, тачысе кечылан правам аралыше системын кӱлешан йыжыҥжылан шотлалтеш. Республикысе прокуратурышто кӱкшӧ квалификациян ответственный еҥ- влак тыршат. Нуно шке тӱҥ пашаштлан кугыжанышын интересшым, калыкын права ден эрыкыштым аралымашым ойырен налыныт. Тидымат ешарен: прокуратура пашаеҥ- влакын паша лектышышт деч калыкын илышыже, кугыжаныш политикын пайдалыкше шога. Республикым вуйлатыше нунылан законлан ӱшанле улмыштлан тауштен да пашаштышт сеҥымашым, тазалыкым, пиалым да улан илышым тыланен.