Йошкар-Оласе коммунал службо- влакым лум дене кучедалаш ушымо
![Йошкар-Оласе коммунал службо- влакым лум дене кучедалаш ушымо](/upload/iblock/8d1/cnu8d5516o4vl1iq2bmfcr4p5wcravvt.png)
Йошкар-Оласе коммунал службо- влакым лум дене кучедалаш ушымо. Лум чот луммо да поранлан кӧра Ола администрацийыште утларак ямде улмо режимым пуртымо нерген распоряженийым пеҥгыдемдыме. Рӱдӧ ола кумдыкышто кызыт ЖКХ-н чыла сферыжланат пашам ышташ йӧным ыштен шогат- тиде электротул ден шокшым чарныде пуымо нерген ойлалтеш. Тиддеч посна аварий бригада- влакым ямдылыме. Котельный-влакым шапаш электроэнергий дене пашам ышташ куснаш ямдылыме. Тиддеч посна тӱшка транспорт кӱрылтде пашам ыштышаш. Корнылам эскерен шогат. Лӱдыкшӧ участкылаште машине- влак каен огыт керт гын, нунылан тягач- влак полшаш лектыт.