Йошкар-Олан ончычсо Гербше уэш пӧртылеш?
Йошкар-Олаште Ава шордан ончычсо гербым пӧртылташ шонат. Рӱдӧ оласе депутат- влак погынымашын черетан совещанийыштыже рӱдӧ олан символикыжым каҥашыме. Погынымашым ола округым вуйлатыше Виктор Кузнецов вӱден. Тушто вӱдышӧ шанчыеҥ- влак Ананий Иванов ден Сергей Стариков, Российын сулло сӱретчыже Измаил Ефимов, ола администрацийын еҥже- влак лийыныт. Вашлиймашлан амалым Российысе Кугыжаныш геральдический регистрыште Йошкар-Олан кызытсе гербшым регистрироватлыме жапым чарен шогалтымаш лийын. Тудым 2011-ше ийыште пеҥгыдемдыме. Тушто канде щитыште шӧртньӧ тӱкан да кӱчан ший шордым ончыктымо. Кӱшныжӧ марий тӱран кугу короным вераҥдыме. Специалист- влакын шонымышт почеш, герб келшен ок тол, ожнысо документыште ший ава шордым ончыктымо. Тудым эше 1781-ше ийыште Екатерина Вторая пеҥгыдемден улмаш. Кугыжаныш герольдмейстерын мутшо почеш, тудо мемнан элысе ола- влакын ик эн тошто гербышт, россий кӱкшытан тӱвыра да историй поянлык улеш, пагалымашым да аралымашым сула.