Тений республикыштына 20 кӱварым олмыкташ палемдыме

                  Тений республикыштына 20 кӱварым олмыкташ палемдыме. «Качестван лӱдыкшыдымӧ корно» калыкле проект тений умбакыже шыҥдаралтеш. Тудын дене келшышын регион кӱкштан 17 объектыште, верысе кӱкшытан 15 объектыште пашам шукташ палемдыме. Тений Йошкар-Оласе магистральыште паша умбакыже шуйна. Тудым 2025-ше ийыште мучашлаш шонат. Тудын кужытшо ныл меҥгыш погына. Изи Какшан эҥер гоч 200 метран кӱвар, кӱртньӧ корно ӱмбач путепровод лиеш. Тений тыгак Российын Опорный сетьышкыже пуртымо автомобиль корно- влаклан тӱткыш ойыралташ тӱҥалеш. Республикына мучко тиде сетьыш 253 меҥге кужыт корным пуртымо. Проектым шыҥдарыме кум ий жапыште тиде кужыт гыч 137 меҥге наре кужытшым норматив марте шуктымо. Тений корно пашазе- влак Йошкар-Ола- Уржум, Кугу Пумарий- Марий Турек- Лоп, Корта-Куяр корнылаште тыршаш тӱҥалыт. Тиддеч посна 928 метрыш погынышо 20 кӱварым норматив марте шуктышаш улыт.

Прошлые выпуски