Федераций Советыште Марий Элым вияҥдымаште туныктымо да тӱвыра корно- влаклан полышым пуымо йодышым онченыт
Федераций Советыште Марий Элым вияҥдымаште туныктымо да тӱвыра корно- влаклан полышым пуымо йодышым онченыт. Федераций Советым вуйлатышын алмаштышыже Константин Косачёв Федераций Советын «Марий Эллан социал-экономик велым вияҥаш кугыжаныш полыш нерген» 2018-ше ийысе пунчалжым шыҥдарыме радам нерген икмыняр совещанийым эртарен. Нуно туныктыш да тӱвыра корныла дене кылдалтыныт. Косачёвын мутшо почеш, 2021-ше ийыште филармонийым чоҥымо шотышто Федераций Советын пунчалжын пунктшым сайын шуктымо. Тыгак кодшо ийын «Тӱвыра» калыкле проект почеш ойырымо 564 миллион теҥге оксам тичмаш кучылтмо, ныл модельный книгагудым почмо. Туге гынат Федераций Советын пунчалжын чыла пунктшат шукталтын огыл. Мутлан, Волжск олаште «Родина» кинотеатрым пужен ыштыме йодыш виктаралтын огыл, Шереметев замкыште олмыктымо пашам мучашлыме огыл. Россий тӱвыра министерствын полшымыжо дене нине паша- влакым умбакыже шуйымо лиеш.