Республикыштына конкуренцийым вияҥдаш полшышо паша планым пеҥгыдемдыме

               Республикыштына конкуренцийым вияҥдаш полшышо паша планым пеҥгыдемдыме. 2021-ше ий мучашыште 2021-ше - 2025-ше ий- влаклан конкуренцийым вияҥдыме калыкле планым пеҥгыдемдымаш мучашлалтын. Марий Элым вуйлатыше Александр Евстифеев тидын шотышто планым пеҥгыдемден. «Дорожный картын» негызышкыже конкуренцийым вияҥдымылан вуйын шогышо исполнительный кучемын верласе органыштын пашаштым эскерыме лектыш, верысе самоуправлений органла деч увер, статистике данный пуреныт. Главан пеҥгыдемдыме планыш ыштышаш мероприятий- влакым пуртымо. Нуно тӱрлӧ экономик отрасль дене кылдалтыныт. Тиде- школ деч ончычсо гыч тӱҥалын кыдалаш да профессионал шинчымашым пуымо марте туныктымо паша, йоча- влакын канышышт; медицина полыш да эмым ужалымаш, социал полыш, шокшым ситарымаш да молат. Тыгак олам тӱзландарымаш, шӱк-куштыра дене пашам ыштымаш, шуко пачеран пӧртлаште тӱшка погым олмыктымашланат тӱткыш ойыралтеш. Республикыштына конкуренцийым вияҥдыме калыкле планым шыҥдарымашке регионысо исполнительный кучемын чыла органжат ушна. «Дорожный карте» 2025-ше ий марте ыштышаш пашан планже лиеш.