Эртыше ийын республикыштына кок тӱжемат 720 социал контарктым ыштыме
Эртыше ийын республикыштына кок тӱжемат 720 социал контарктым ыштыме. 2021-ше ийын социал контрактлан кучылтмо окса 293 миллион теҥгеш шуын. Тушечын 290 миллионжо- федерал бюджет гыч, кумытшо- республикын. Кок тӱжемат 720 социал контракт тыге шеледалтын: тӱжемат 334-ше- пашам кычалмаш, 575-ше посна амалкалче пашам шуктымаш, 369-ыже- личный подсобный озанлыкым вӱдымаш, 442-шо неле илыш йыжыҥым сеҥен лекташ моло сомылым шуктымаш.
Социал вияҥмаш министерстве социал контракт гыч ик примерым конда. Калыклан социал полышым пуымо рӱдерыш Волжск ола гыч пӧръен миен. Тудын пелашыже да кок изи йочашт уло. Эре пурен шогышо оксашт лийын огыл, пӧръеҥ жапын-жапын лекше пашам шуктен, пелашыже изи йоча дене шинчен. Рӱдерын специалистше- влак социал контарктым ышташ лийме нерген умылтареныт. Пӧръеҥын бизнес-шонымашыже - ямде кӱртньӧ изделий- влакым ышташ кумылжо лийын, ыштенат моштен. А тыгай кӱртньӧ гыч таптен ыштыме сатулан йодмаш уло. Сотрудник- влак тудлан бизнес планым ямдылаш да документым погаш полшеныт. Соцконтракт окса дене пӧръеҥ кӱлеш оборудованийым да материалым налын: плазморезым, компрессорым, калайым, профиль пучым да молымат. Пӧръеҥын мутшо почеш уже заказчик- влак улыт, соцконтракт пеш кӱлешан полыш. Молан манаш гын, шагал парышан еш- влаклан шукыж годым вияҥаш тӱҥалаш шӱкалтыш окса ок сите, а социал контаркт тидын годым полышым пуа.
Социал вияҥмаш министерстве социал контракт гыч ик примерым конда. Калыклан социал полышым пуымо рӱдерыш Волжск ола гыч пӧръен миен. Тудын пелашыже да кок изи йочашт уло. Эре пурен шогышо оксашт лийын огыл, пӧръеҥ жапын-жапын лекше пашам шуктен, пелашыже изи йоча дене шинчен. Рӱдерын специалистше- влак социал контарктым ышташ лийме нерген умылтареныт. Пӧръеҥын бизнес-шонымашыже - ямде кӱртньӧ изделий- влакым ышташ кумылжо лийын, ыштенат моштен. А тыгай кӱртньӧ гыч таптен ыштыме сатулан йодмаш уло. Сотрудник- влак тудлан бизнес планым ямдылаш да документым погаш полшеныт. Соцконтракт окса дене пӧръеҥ кӱлеш оборудованийым да материалым налын: плазморезым, компрессорым, калайым, профиль пучым да молымат. Пӧръеҥын мутшо почеш уже заказчик- влак улыт, соцконтракт пеш кӱлешан полыш. Молан манаш гын, шагал парышан еш- влаклан шукыж годым вияҥаш тӱҥалаш шӱкалтыш окса ок сите, а социал контаркт тидын годым полышым пуа.