Волжск олаште тений виртуал концерт зал лийшаш

Волжск олаште тений виртуал концерт зал лийшаш. Тудым «Звёздный» тӱвыра да каныш рӱдерыште ыштат. Тӧнежым уэмдымаш «Тӱвыра» калыкле проект кышкарыште ышталтшаш. Россий тӱвыра министерствын конкурс комиссийжын пунчалже почеш виртуал концерт залым ышташ федерал бюджет гыч кок миллионат 500 тӱжем теҥгем колтымо. Ведомствын уверже почеш, кызытсе жаплан келшыше оборудований Волжск оласе калыклан Росийысе да тӱнямбалсе лӱмлӧ артист-влакын выступленийыштым сай качестван йӱк да сӱрет дене ончаш йӧным ышта. Республикыштына тыгай зал- влакым 2019-ше ийыште ышташ тӱҥалме. Ты жапыште залым Йошкар-Олаште да Козьмодемьянскыште почмо.