Шушаш шуматкечын Йошкар-Олаште историй реконструктор- влакын «Телымсе кремль» модмашышт лиеш
![Шушаш шуматкечын Йошкар-Олаште историй реконструктор- влакын «Телымсе кремль» модмашышт лиеш](/upload/iblock/fc9/4zw7w74izeiexm50e1jkj8i68u6vkbxo.jpg)
Шушаш шуматкечын Йошкар-Олаште историй реконструктор- влакын «Телымсе кремль» модмашышт лиеш. Тыге Чарла кремль ожнысо действий- влакым ыштен ончыктымо площадкыш савырна. Мероприятий 12 шагат кечывалым тӱҥалеш. Историй йӱла- влакым ончыктымаште «Щит/Меч» коктын кучедалмашым, клуб- влак коклаште «Дружина- влакын кучеалмашыштым», «Лум орым» налмашым ончаш лиеш. Фестивальыш Озаҥ, Чебоксар, Яранск да моло ола гыч реконструктор- влак толыт. Йошкар-Ола гыч «Юл корно», «Ушкуй», «Рутьер» команде- влак лийыт. Ончышо- влакланат сюрпризым ямдылыме. Нуно сарзе олмышто шке вийыштым да чолгалыкыштым ончыктен кертыт, йоча да кугыеҥ- влакланат тӱрлӧ конкурс ямдылалтеш.