Республикыштына коронавирусын Омикрон штаммже дене икымше черланыше- влакым рашемдыме

               Шукерте огыл гына пурышо увер почеш, республикыштына коронавирусын Омикрон штаммже дене икымше черланыше- влакым рашемдыме. Республикысе Роспотребнадзор виктемыш Угарманысе академик Блохина лӱмеш эпидемиологий да микробиологий научно-шымлыше институт гыч ковид дене черланыше- влакын кум биоматериалыштышт Омикрон вирусым рашемдыме нерген серыш пурен. Роспотребнадзор виктем ден гигиена рӱдерын специалистше- влак кум пробыжо шотыштат чераныше- влак деке миен шымлымашым эртареныт, могай кылым кучымышт нерген рашемденыт. Кумынек Йошкар-Ола гыч 50 ийым темыше, вакцинацийым эртыдыме еҥ- влак улыт. Кумыньыштынат черышт ОРВИ семын эрта. Нунын дене кылым кучышо-влакым посна верыш вераҥдыме, ковидлан тергыме улыт, медицина эскерымаш умбакыже шуйна. Пашам ыштыме верлашкышт ешартыш санитар- противоэпидемий мероприятийым эртараш предписанийым колтымо. Ситуацийым Росотребнадзор виктем контрольыш налын.