Илалше- влакым прививкым ыштыкташ кумылаҥдат
Марий Элым вуйлатыше Александр Евстифеевич 60 ийым темыше да кугурак ийготан- влаклан у коронавирус инфекций ваштареш вакцинацийым эртымыштлан ик гана кок тӱжем теҥгем тӱлымӧ нерген Правительствын пунчалжым пеҥгыдемден. Кумылаҥдыме оксам тений икымше январь гыч 14-ше март марте ик але кок компонентан вакцине дене але тиде жапыше ревакцинацийым ыштыктыше кугурак тукым еҥ- влаклан пуат. Социал вияҥмаш министерствын ончыктымыжо почеш тыгай тӱшкаш 45 тӱжем наре еҥ пура. Оксам республикын бюдэжетше гыч ойырат. Вакцинацийым писемден колташ манын кӱштымашым Александр Евстифеев тиде арня тӱҥалтышыште пуэн ыле. Тудо палемден: лач кугурак ийготан- влаклан коронавирус инфекций кугу лӱдыкшым луктеш да прививке гына нелын черланыме деч утарен кертеш.