Марий Эл Кугыжаныш Погынын Депутат кечыже Яков Эшпай лӱмеш Марий Кугыжаныш Филармонийыште эртен

             Кодшо кечылаште Марий Кугыжаныш Погынын Депутат кечыже Яков Эшпай лӱмеш Марий Кугыжаныш Филармонийыште эртен. Тӱвыра министр Константин Иванов эртыше ийын республикыштына лийше ойыртемалтше тӱвыра событий- влакым ушештарен, тыгак тений шыҥдарышаш проект- влак нерген каласкален. 2019-ше ий годсек «Тӱвыра» калыкле  проект сайын шыҥдаралтеш. Кодшо ийын марий филармонийым чоҥен пытарен пашаш колтымо, кум районышто- Волжский, Шернур да  Советскийыште ялласе клублам капитально олмыктымо, шым районлан автоклубым налме, йоча сымыктыш школ- влакым уэмдаш тӱҥалме. Тиде пашам Куженер, Морко, Советский, Юрино районлаште шуктымо, ныл модельный книгагудым ыштыме. Тений Волжск оласе «Родина» кинотеатрым умбакыже олмыктат, Шереметев замкыште паша шуйна. Министр депутат корпуслан тӱвыра аланлан полышым пуэн шогымыжлан тауштен да ончыкылык пайдале вашкыллан ӱшаным каласен.
             Тувыра министерствын фотожо.