Йошкар-Олаште тӱҥ кӱварым олмыкташ тӱҥалыт

                Шушаш кеҥежым Йошкар-Олаште тӱҥ кӱварым олмыкташ тӱҥалыт. Марий Элым вуйлатыше Александр Евстифеевын кӱштымыжӧ почеш кӱвар- влакым «Мостремстройын» погышкыжо кусарыме шотышто кугу паша эртаралтеш. Тӱҥ кӱварым олмыкташ проект да смета документаций чолган ямдылалтеш. Транспорт министр Александр Герасименкон мутшо почеш, лишыл кечылаште кӱвар дене транспорт коштмо шотышто ГИБДД дене совещаний эртаралтеш. Тушто кӱвар дене мыняр транспорт коштмым каҥашаш да олмыкташ келшыше схемым ойырен налме нерген муталанаш тӱалыт. Кеҥежымсе кок тылзыште рӱдӧ кӱварым олмыкташ палемдыме. Республикын транспорт министерствыже Росавтодор дене кӱвар- влакым олмыкташ 660 миллион теҥгелан соглашенийым пеҥгыдемден. Министр тидымат палемден: тенияк Царьград проспектыштат кӱварым олмыкташ тӱналшаш улыт.