Рӱдӧ олаштына пӱтынь школ дене карантиныш каят

          Рӱдӧ олаштына пӱтынь школ дене ОРВИ черлан кӧра карантиныш каят. Коронавируслан кӧра петырыме класс- влакат улыт. Классыште лу еҥ черланен гын, моло тунемше- влакымат 1-2-шо февраль марте мӧҥгышт колтат. Йошкар-Олаште 26-шо школым, Медведевысе кумшо школым, Александрова лӱмеш 11-ше лицейым карантинлан петырыме. Бауман лицейыште 5-ше гыч 11-ше класс марте тунемше- влакым дистанций гыч тунеммашке кусарыме. Тазалыкаралтыш министерствын ончыктымыжо почеш, теҥгечысе кечылан Республикысе йоча клинический эмлыме верыште 61 пациент эмлалтеш, пневмоний дене- кумыт, 51 еҥын коронавирус инфекцийм пеҥгыдемден ончыктымо.