Таче- Россий студенчествын кечыже

             Таче Россий студенчествын кечыже палемдалтеш. Республикысе вуз, техникум, колледжлан студент ден преподавательыштым пайремышт дене Марий Элым вуйлатыше Александр Евстифеев саламла. Тиде чапле пайрем волгыдо да мондаш лийдыме студент илышым ончыкта. Лач тиде жапыште ончыкылык рашемеш да профессионал сеҥымашлан негыз ышталтеш. Тендан шинчымашда республикылан кугу ончыкылык улеш. Тыланда шуко вашталтышым ышташ, у цель- влакым шындаш да нуным шукташ кӱлеш. Правительствын пашаштыже самырык- влак политике ик эн ончыл верыште улеш. Юнармий, добровольчестве толкын, самырык- влакым амалкалче пашаш ушымаш, пашаш пуртымо, таза илыш йӱла деке кумылаҥдыме да спорт дене кылым кучымо дене Марий Эл Российысе ончыл кундем- влак радамыш пура. Республикыште сай качестван кӱшыл да кыдалаш шинчымашым налаш келшыше йӧн ышталтеш: бюджет вер- влак ешаралтыт, специальность ден направлений- влак шукемыт, инноваций технологий вияҥеш, кугу тӱткыш самырык- влакын шымлыме да шанче пашаштлан ойыралтеш. Правительстве ончыкыжымат талантан самырык тукымлан полшаш, тунемме инфраструктурым вияҥдаш, шонымашым шыҥдараш йӧным ышташ да професионально кушкаш полшаш тӱҥалеш. Ӱшанем: чолгалык да шинчымашым налаш тыршымаш тендам сеҥымаш деке лишемда. Нелылык деч лӱдде, ӱшанлын ончыко кайыман,- ойлалтеш республикым вуйлатышын саламлымашыштыже.