Йошкар-Оласе поликлиникылаште врач деке приёмыш логалаш кугу черет- влак погыненыт

           Йошкар-Оласе поликлиникылаште врач деке приёмыш логалаш кугу черет- влак погыненыт. Молан манаш гын, черланыше- влак ешаралтыныт. Ик кечыште гына ОРВИ да коронавирус дене черланыше йоча- влак деке мӧҥгышкӧ тӱжемат шӱдӧ гана врачым ӱжыктеныт. Поликлиникылаште черет кугун погына. Сандене план почеш полышым пуымым жаплан чарыме. Тазалыкаралтыш министерстве сутка мучко ситуацийым эскерен шога да полышым саемдаш манын мера- влакым приниматла,- увертара тазалыкаралтыш министрын алмаштышыже Юлиана Зейтулаева. Могай мерым ыштыме? Больничныйым дистанционно петырат, медицина органиазций- влаклан ешартыш транспорт ойыралтеш, хронический черан- влаклан эмым намиен пуашлан волонтёр- влак полшат, поликлиникыласе колл- рӱдерлаште да «122» службышко кугурак курслаште тунемше МарГУ-н да медицина колледжын студентше- влак ушалтыт.
             Фото: "ВНД" газет.