ДТП-ште кажне нылымше еҥже йӱшӧ водительлан кӧра илыш дене чеверласен

             Марий Элыште эртыше ийын ДТП-ште кажне нылымше еҥже йӱшӧ водительлан кӧра илыш дене чеверласен.- Увертара ГИБДД виктем. Кодшо ийын республике мучко колымашан 76 аварий лийын. Тушто 87 еҥ ӱмыр лугыч лийын. Тушечын кажне нылымшыже машинам йӱшӧ вуя виктарыше водительлан кӧра илыш дене чеверласен. Йӱшӧ вуя ыштыме ДТП Волжский, Курык марий, Медведево, Марий Турек да Морко районлаште ешаралтын. Тидымат палемдена: кодшо ийын Кугыжаныш автоинспекцийын пашаеҥже- влак руль воктеке йӱшӧ вуя шичше кок тӱжемат 700 водительым кученыт. Нунын кокла гыч 300 еҥже икымше гана огыл машинам йӱшӧ вуя виктарен.