Россий кӱкшытан «Марий ушемым» ышташ шонат

            Татарстанысе Набережный Челна олаште Российысе ныл кундем гыч «Марий ушемын» чолга еҥже- влак Россий кӱкшытан «Марий ушем» мер толкынын уставшым каҥашеныт. А погыненыт нуно «Марий шахмат» турнирым эртараш. Толыныт Татарстан, Удмуртий, Марий Эл, Хант –Манси Автоном округысо Ханты-Мансийск ден Сургут олала гыч. Чыланат марий улыт. Модмаш пеш поро кумыл дене эртен. Сеҥышыш лекше Иван Козырев ден Евгений Иванов Марий Эл гыч, Ханты-Мансийск гыч Анатолий Алексеевлан да молыланыт пӧлекым, Чап кагазым, дипломым да книга- влакым кучыктеныт. Вашлиймашын кокымшо ужашыштыже Россий кӱкшытан «Марий ушемым» ышташ уставым каҥашымаш лийын. Тудым Россий законодательстве дене келшышын ямдылыме.
             Фото: МариУшем.