Российын Правительствыже Марий Эллан медицина пашаеҥ- влаклан тӱлаш 44 миллион утла теҥге оксам ойырен

               Россий Федерацийын Правительствыже Марий Эллан медицина пашаеҥ- влаклан тӱлаш 44 миллион утла теҥге оксам ойырен. А тичмаш налмаште регион- влаклан 17 миллиард утла теҥгем ойырымо нерген  распоряженийым Россий Правительство Председатель Михаил Мишустин пеҥгыдемден.  Тиде окса врач да кыдалаш медицина персоналлан пуалтеш. Мишустин тидымат ешарен: тений медицина тӧнежлашке кӱлешан специалист- шагал огыл самырык сотрудник- влак толыт манын ӱшанена. Адакшым коронавирусын пандемийже эше ик гана пеҥгыдемден ончыктен: медицина кадр моткоч кӱлешан, нунылан полшаш мо лиешым чыла ышташ кӱлеш,- каласен тудо.